Eden Hazard byrjaði óvænt á bekknum gegn Tottenham í undanúrslitum enska bikarsins í dag.

Hazard kom inn á sem varamaður í síðari hálfleiknum og skoraði í 4-2 sigri Chelsea. Willian tók stöðu Hazard í byrjunarliðinu en hann skoraði tvívegis.

„Þegar þú spilar fótbolta þá viltu spila hvern einasta leik en stjórinn valdi frábærlega. Hann setti Willian í liðið og hann skoraði tvö mörk," sagði Hazard.

„Það er alltaf gott að vinna svona leiki, undanúrslit gegn liði frá London. Þetta er gott fyrir stuðningsmennina."