Lokaumferðin í ensku úrvalsdeildinni fer fram um helgina. Það er fátt sem getur breyst í henni, en þó er enn óráðið hvaða lið verður það þriðja til að falla.

QPR og Burnley eru þegar fallin á meðan Hull þarf nauðsynlega að sigra Manchester United til að eiga möguleika á að halda sæti sínu í deildinni.

Tveimur stigum fyrir ofan er Newcastle sem hefur verið í frjálsu falli undanfarna mánuði. Þeir svarthvítu taka á móti West Ham á sunnudaginn.

Englandsmeistarar Chelsea fá Sunderland í heimsókn þar sem titillinn fer á loft að leik loknum.

Allir leikirnir fara fram samtímis klukkan 14:00 á sunnudag.