Jón Daði Böðvarsson, sóknarmaður íslenska landsliðsins, er spenntur fyrir komandi vináttulandsleik gegn Danmörku í Herning á fimmtudag.
Selfyssingurinn ræddi við Fótbolta.net í aðdraganda leiksins, sem er liður í undankeppni EM 2016.
Selfyssingurinn ræddi við Fótbolta.net í aðdraganda leiksins, sem er liður í undankeppni EM 2016.
„Það er alltaf gaman að mæta nágrönnum okkar þannig það verður bara ótrúlega gaman að fá æfingaleik í okkur aftur," sagði Jón Daði við Fótbolta.net í Danmörku í gær.
„Það eru mjög sterkir einstaklingar í þessu liði, það er náttúrulega erfitt að segja hvernig þeir munu leggja upp þennan leik, þeir eru náttúrulega komnir með nýjan þjálfara og það er smá óljóst varðandi það. Við erum fyrst og fremst að hugsa um okkur sjálfa og ef við gerum það geta þetta orðið jákvæð úrslit hjá Danmörku."
Jón Daði hefur stimplað sig vel inn í lið Kaiserslautern í Þýskalandi, en liðið spilar í næst efstu deild. Hann kom til félagsins í janúar frá Viking.
„Maður finnur fyrir að maður er mikilvægur liðinu og er að byrja alla leiki og spila vel persónulega. Það er búið að vera smá erfitt hjá liðinu, við höfum ekki verið að standast væntingar, en ég er ansi jákvæður á að það breytist," segir Jón Daði, sem segir talsverðan mun á að búa í Þýskalandi eða Noregi.
„Þetta er svo rosalega stórt land, maður gleymir því stundum að það eru 80 milljónir manns þarna. Það er svakalegur fótboltaáhugi, ekki bara í Bundesligunni heldur líka Bundesligu 2 og jafnvel 3," segir Jón Daði.
Athugasemdir