Giggs var aðstoðarmaður Louis van Gaal sem rekinn var í gær. Giggs er goðsögn hjá Manchester United og spilaði fyrst fyrir aðalliðið 1991. Hann hefur verið hjá félaginu allar götur síðan.

Mourinho vill fá með sér Rui Faria sem lengi hefur verið aðstoðarmaður hans. Giggs mun því ekki gegna þeirri stöðu.

Þess má geta að Memphis Depay hefur sagt að það sé spennandi að spila fyrir Mourinho. Framtíð hollenska leikmannsins hefur verið í umræðunni. Hann var keyptur fyrir 25 milljónir punda frá PSV Eindhoven í fyrra en náði sér ekki á strik á sínu fyrsta tímabili hjá United.

„Van Gaal er að fara. Svona ganga hlutirnir fyrir sig í fótboltanum. Hlutirnir hafa ekki gengið að óskum fyrir mig en svona er lífið. Þú lærir og styrkist," segir Memphis við hollenska fjölmiðla.