Logi Ólafsson, þjálfari Víkings R., var ekkert alltof kátur eftir markalaust jafntefli gegn ÍA í dag.

„Við vildum auðvitað vinna leikinn til að koma okkur ofar á töfluna en það bara gekk ekki í dag. Skagamenn áttu kannski fleiri færi en við en við hefðum getað stolið þessu í lokin en það eina sem er kannski jákvætt eru þessi marktækifæri sem við fáum og loksins höldum við markinu hreinu."

Logi er með samning við Víking út næsta tímabil en hann stefnir að því að vera áfram í brúnni.