Á samfélagsmiðlum fóru á flug kenningar um að Ronaldo vildi ekki að liðsfélagi sinn myndi skora sigurmarkið því hann hafi viljað baða sig í þeim dýrðarljóma sjálfur.

Ed Malyon, blaðamaður Mirror, útskýrir þó að Ronaldo hafi þann furðulega ávana að lyfta hendinni upp þegar lið hans skorar. Til eru fjölmörg dæmi um að Ronaldo lyfti hendi og horfi á aðstoðardómara til að vera viss um að markið standi.

Morata skoraði úr frákasti og möguleiki var á að dómarinn myndi dæma sóknarbrot, enda eru markverðir oft mjög ofverndaðir.

Í þessu tilfelli var Ronaldo því einfaldlega að láta vita að þetta mark ætti að standa, hann var ekki að biðja um rangstöðu. Þó til séu mörg dæmi um sjálfselsku Ronaldo var þetta ekki eitt af þeim.

Eftir markið hljóp hann að Morata og fagnaði með honum.

CR7 vildi rángstöðu þegar Morata skoraði, frekar pirraður . Elska CR7 en þetta lélegt hjá honum. #fotboltinet pic.twitter.com/cBkO2xyM2K

— Dominik Bajda (@Domque23) October 23, 2016