Heimild: Mosfellingur
Stefnir á endurkomu í landsliðið í haust
Mist Edvardsdóttir, leikmaður Vals, stefnir á að snúa aftur í íslenska landsliðið þegar undankeppni EM hefst næsta haust.
Mist greindist með krabbamein síðastliðið sumar en spilaði þrátt fyrir það áfram með Val í Pepsi-deildinni. Í janúar fékk hún gleðitíðindi um að hún væri krabbameinslaus.
Mist greindist með krabbamein síðastliðið sumar en spilaði þrátt fyrir það áfram með Val í Pepsi-deildinni. Í janúar fékk hún gleðitíðindi um að hún væri krabbameinslaus.
,,Það er engin virkni í vefnum en ég verð í ströngu eftirliti næstu mánuði svo hægt sé að grípa strax inní ef eitthvað tekur sig upp," sagði Mist í ítarlegu viðtali í bæjarblaðinu Mosfellingi.
,,Ég ætlaði að vera að byrjuð aftur að æfa á þessum tímaunkti en greindist um miðjan janúar með blóðtappa í öxlinni eftir lyfjabrunnninn og þarf því að vera á blóðþynnandi lyfjum næstu vikurnar og má þar af leiðandi ekki æfa fótbolta."
,,Í millitíðinni mun ég djöflast eins og ég má í ræktinni svo ég verði klár fyrir fóboltasumarið 2015 og landsliðið á nýjan leik í haust."
Mist segir að það að spila fótbolta hafi hjálpað sér þegar hún var að glíma við veikindin síðastliðið sumar.
,,Vinkonur mínar í fótboltanum hafa einnig verið ómissandi fyrir mig í gegnum þetta ferli og var ótrúlega gott að koma á æfingar í sumar. Fá að gleyma því um stund að ég væri með krabbamein, vera bara leikmaður í liði þar sem enginn afsláttur var gefinn."
,,Þar fékk ég útrás og gat grínast svolítið með veikindin þar sem húmorinn er svarari í þessum hópi. Jákvæðnin fleytir manni langt, ef maður ætlar alltaf að líta á málið hinum alvarlegustu augum verður fljótt þung og dökkt yfir lífinu og tilverunni," sagði Mist í viðtalinu við Mosfelling.
Athugasemdir