Spilað verður með Select bolta í sumar.
Leikið verður með bolta frá Select í Pepsi-deildinni í sumar en þetta staðfesti Ásgeir Ásgeirsson, formaður hjá íslenskum toppfóbolta, í samtali við Fótbolta.net í dag.
Í fyrra var leikið með Nike bolta í Pepsi-deildinni en FH-ingar léku þó með adidas bolta í heimaleikjum sínum.
Að sögn Ásgeirs verða öll félög með Select bolta í heimaleikjum sínum í sumar.
Umræða hefur verið í gangi um miðaverð í Pepsi-deildinni og að það eigi að hækka upp í 2000 krónur á leik. Ásgeir segir að viðmiðunarverðið hjá íslenskum toppfótbolta sé ennþá 1500 krónur á leik.
„Það er óbreytt frá því í fyrra. Ég veit ekki hvort það séu einhver félög séu með afbrigði af öðru, í forsölu eða annað. Viðmiðunarverðið er 1500 krónur eins og það hefur verið," sagði Ásgeir.
Athugasemdir
