Memphis Depay er ekki tilbúinn til að gera „gæfumuninn" hjá Manchester United. Þetta segir Ruud van Nistelrooy, fyrrum markahrókur United.
Memphis byrjaði vel hjá Rauðu djöflunum og skoraði tvö mörk í fyrstu þremur leikjum sínum. Eftir það fann hann netið aðeins einu sinni í fjórtán leikjum.
Memphis byrjaði vel hjá Rauðu djöflunum og skoraði tvö mörk í fyrstu þremur leikjum sínum. Eftir það fann hann netið aðeins einu sinni í fjórtán leikjum.
Getur Memphis staðið undir þeim kröfum sem eru gerðar á leikmanninn sem spilar í treyju númer 7 hjá United?
„Memphis er með gæðin og hæfileikana til að gera það en ég skil þessa spurningu þína á þessari stundu. Að gera gæfumuninn hjá United þýðir að vera alveg magnaður og ráða úrslitum í stórleikjum. Hann er ekki alveg tilbúinn í það," segir Nistelrooy.
Skrefið upp í úrvalsdeildina hefur reynst Memphis erfitt en Nistelrooy telur að hann muni finna fjölina.
„Hann mun rísa upp. Hann verður betri og skila meiru. Hann er þyrstur í að læra. Ég hef unnið náið með honum þegar hann er með landsliðinu. Við horfum mikið á myndbandsupptökur og förum yfir það sem hann getur bætt. Ég legg áherslu á það sem þjálfari að skoða það sem hann er góður í en getur bætt enn frekar," segir Nistelrooy sem er í þjálfarateymi hollenska landsliðsins.
Athugasemdir