Volendam 1 - 0 Jong PSV
1-0 Kevin van Kippersluis ('59 )
1-0 Kevin van Kippersluis ('59 )
Unglingalandsliðsmaðurinn Albert Guðmundsson er lykilmaður hjá unglinga- og varaliði PSV, Jong PSV, en hann var að venju í byrjunarliðinu þegar liðið mætti Volendam í hollensku B-deildinni í kvöld.
Albert er gríðarlega mikilvægur fyrir sitt lið, sem er í toppbaráttunni í þessari næst efstu deild Hollands.
Eins og áður segir byrjaði Albert leikinn, en hann var tekinn af velli þegar 65 mínútur voru komnar á klukkuna.
Þegar Albert var tekinn af velli var staðan orðin 1-0 fyrir heimaliðið, Volendam, og þannig lauk leiknum og þriðja tap Jong PSV staðreynd.
Jong PSV er eins og staðan er núna áfram í þriðja sæti deildarinnar með 28 stig. Liðið má þó ekki fara upp í úrvalsdeildina þar sem aðallið félagsins er þar.
Það má búast við því að sjá Albert í aðalliðinu einhvern tímann, en hann æfir inn á milli með aðalliðinu og þá var hann valinn í 25 manna Meistaradeildarhóp hjá PSV.
65 - Bertalan Kun maakt zijn debuut in het betaald voetbal. Hij vervangt Gudmundsson.
— PSV (@PSV) November 25, 2016
Athugasemdir