Spáin:
1. ?
2. ?
3. ?
4. ?
5. ?
6. ?
7. ?
8. ?
9. Leiknir F. 73 stig
10. Selfoss 71 stig
11. Fjarðabyggð 42 stig
12. Huginn 41 stig

9. Leiknir F.
Lokastaða í fyrra: 2. sæti í 2. deild

Leiknir Fáskrúðsfirði spilar í fyrsta skipti í Inkasso-deildinni á komandi tímabili. Uppgangurinn hefur verið hraður á Fáskrúðsfirði undanfarin ár. Liðið hélt velli í 3. deild þegar deildum var fjölgað árið 2012. Árið 2014 fór liðið upp í 2. deildina og í fyrrra fór liðið beint upp í 1. deild. Leikmannahópurinn samanstendur mikið til af leikmönnum frá Fáskrúðsfirði en erlendur liðsstyrkur er að berast nú rétt fyrir mót.

Þjálfarinn: Viðar Jónsson þjálfar lið Leiknis líkt og undanfarin þrjú ár. Viðar spilaði í áraraðir með Leikni á sínum tíma en hann lagði skóna endanlega á hilluna árið 2010. Viðar þjálfaði einnig meistaraflokk kvenna hjá Leikni á sínum tíma.

Styrkleikar: Samheldnin er mikil í liðinu og Fáskrúðsfirðingar standa þétt við bakið á því. Leiknir spilar heimaleiki sína í Fjarðabyggðarhöllinni. Liðið þekkir vel að spila innandyra og það gæti hjálpað í sumar líkt og í fyrra þegar liðið tapaði ekki heimaleik í 2. deildinni allt tímabilið. Sóknarleikurinn var aðalsmerki Leiknis í fyrra en liðið skoraði 49 mörk og spilaði oft á tíðum fínan sóknarbolta.

Veikleikar: Nýir erlendir leikmenn eru að koma til liðsins skömmu fyrir mót og það gæti tekið tíma að koma þeim inn í hlutina. Talsverð óvissa hefur verið um leikmannamálin í vetur og hvaða leikmenn verða með liðinu í sumar. Til að mynda kom markvörðurinn Stefano Layeni frá Ítalíu en Fram keypti hann eftir góða frammistöðu í Lengjubikarnum auk þess sem tveir Spánverjar sem samið hafði verið við verða ekki með í sumar. Leiknir hefur tekið stór skref undanfarin tvö ár og spurning er hvort leikmannahópurinn geti tekist á við stærstu áskorunina til þessa.

Lykilmenn: Adrian Murcia, Björgvin Stefán Pétursson, Hilmar Freyr Bjartþórsson.

Gaman að fylgjast með: Kristófer Páll Viðarsson, sonur Viðars þjálfara, varð markakóngur í 3. deildinni 2014. Meiðsli settu strik í reikninginn hjá honum í fyrra en spennandi verður að sjá þennan 19 ára gamla leikmann spreyta sig í 1. deildinni.

Líklegt byrjunarlið í upphafi móts:


Komnir:
Adrian Rodriguez frá Spáni
Amir Mehica frá Fjarðabyggð
Ignacio Poveda Ganoa frá Spáni
Jonas Westmark frá Danmörku
Stefano Layeni frá Ítalíu

Farnir:
Bergsteinn Magnússon
Fernando Garcia Castellanos til Spánar
Haraldur Þór Guðmundsson í Fjarðabyggð
Paul Bodgan Nicolescu
Stefano Layeni í Fram
Vignir Daníel Lúðvíksson í Þrótt Vogum

Fyrstu leikir Leiknis F.
7. maí Selfoss - Leiknir F.
14. maí Leiknir F. - Fjarðabyggð
21. maí Grindavík - Leiknir F.