Hrafnhildur Fannarsdóttir setti þrennu í síðasta leik Gróttu og hún var aftur á skotskónnum í dag er hún gerði eina mark leiksins í sigri á Einherja.

Markið kom á 33. mínútu og tryggði Gróttu sinn annan sigur í röð í fjórðu umferð 2. deildar kvenna en liðið hafði tapað fyrstu tveimur leikjum sínum.

Með sigrinum er Grótta nú í 4. sæti, stigi frá toppliði Fjölnis sem á leik til góða.

Einherji situr í næst neðsta sæti með 1 stig en liðið hefur spilað þrjá leiki.

Markaskorarar af urslit.net