Radamel Falcao segist bara einbeita sér að því að klára tímabilið með Man Utd af krafti.
Þessi 29 ára framherji hefur verið mikið á milli tannanna á fólki en hann hefur ekki fundið sig á Old Trafford í vetur og þykir ólíklegt að enska stórliðið muni kaupa kappann sem er á láni hjá félaginu.
Falcao hefur verið orðaður við Juventus undanfarið og herma fregnir að ítalska liðið hafi náð samkomulagi við Monaco um kaup á Falcao. Kólumbíumaðurinn hefur engan áhuga á að spá í því.
,,Er Juventus að leita að mér? Þeir tala mikið en ég einbeiti mér 100% að Manchester United. Það eru nokkrir mikilvægir leikir eftir áður en tímabilið klárast og ég vonast til að fá stærra hlutverk í þeim",
Þetta lét Falcao hafa eftir sér í útvarpsviðtali en hann er í landsliðsverkefni með Kólumbíu og skoraði tvö mörk í 6-0 sigri á Barein síðastliðinn fimmtudag.
Athugasemdir