Stjórn knattspyrnudeildar Hauka er búin að gefa frá sér yfirlýsingu vegna ummæla Björgvins Stefánssonar í beinni útsendingu frá leik Hauka og Þróttar R. í Inkasso-deildinni fyrr í kvöld. Björgvin er búinn að biðjast afsökunar.
„Stjórn knattspyrnudeildar Hauka harmar mjög þessi ummæli Björgvins enda á slíkt ekki að viðgangast, hvorki innan vallar né utan," segir meðal annars í yfirlýsingunni.
Björgvin lét ummælin falla eftir samskipti Arnars Aðalgeirssonar, leikmanns Hauka, og Archange Nkumu hjá Þrótti.
Leikurinn sjálfur var hin mesta skemmtun þar sem fjögur mörk voru skoruð á sex mínútum en Þróttur stóð uppi sem sigurvegari á Ásvöllum, 2-4.
Stjórn knattspyrnudeildar Hauka harmar ummæli Björgvins@Fotboltinet pic.twitter.com/5qsH39lRKx
— Haukar Fótbolti (@FCHaukar) May 23, 2019
Athugasemdir
