Lárus Ingi Magnússon @fotboltinet

Textalýsing Skýrslan

Hvað réði úrslitum? Það er erfitt að taka eitthvað annað en þetta mark út úr þessu. Bæði lið sköpuðu sér nóg af færum til að klára leikinn en skondið mark frá Kenneth Hogg skildi liðin að í lokin. Bestu leikmenn 1. Brynjar Atli Bragason Varði oft á tíðum meistaralega og hélt hreinu. Líður greinilega vel að vera kominn heim og var að öðrum ólöstuðum besti maður vallarins. 2. Sindri Kristinn Ólafsson Þrátt fyrir að fá á sig þetta mark sem réði úrslitum þá átti Sindri frábæran leik og bjargaði því að ekki fór verr. Spilaði sárþjáður alla framlenginguna. Atvikið Í stöðunni 0-0 varði Brynjar Atli tvisvar skot Keflvíkinga nánast á marklínu og kom sínu liði inn í framlenginguna.

Hvað þýða úrslitin? Njarðvík er komið í 8 liða úrslit og eigna sér kaffistofur bæjarins á morgun, en Keflavík er úr leik. Vondur dagur Það er ómögulegt að taka eitthvað út úr þessu og segja að það hafi verið vont. Stórkostleg skemmtun fyrir áhorfendur, gleðin við völd og því miður varð annað liðið að tapa. Dómarinn - 8,5 Pétur Guðmundsson átti flottan dag með flautuna og sýndi enn og aftur að hann er einn albesti dómari landsins.