Magnús Þór Jónsson @maggimark

Textalýsing Skýrslan

Hvað réði úrslitum? Frábærar afgreiðslur Guðmundar Andra. Kom á fjærsvæðið tvisvar á hárréttum tíma og klíndi hann í markið í fyrsta. Síðara skiptið væri vissulega gaman að sjá í sjónvarpi og hvort um rangstöðu var að ræða, en það tekur ekki frá drengnum hversu vel hann afgreiddi þessa bolta og tryggði þar með stigin þrjú. Bestu leikmenn 1. Guðmundur Andri Tryggvason Tvö mögnuð slútt tryggðu Víkingum fyrsta sigurinn í 4 umferðum og leyfa þeim að horfa upp líka en ekki bara niður. 2. Sölvi Geir Ottesen Víkingar treystu á mörk G.Andra en síðustu 25 mínúturnar þurftu þeir að verjast. Fremstur meðal jafningja í vörninni var Sölvi, frábærar staðsetningar og hárrétt ákvarðanataka á lykilmómentum skiluðu sigrinum í hús. Atvikið Búinn að ræða þriðja mark Víkinga en atvikið eru eiginlega mörkin þrjú sem komu á 3 mínútum. Í raun þarf að telja sekúndurnar frá því Blikar jafna 1-1 þangað til þeir jafna 2-2. Minnist þess ekki að svo stutt hafi liðið á milli marka í íslenskum fótboltaleik.

Hvað þýða úrslitin? Deildin er einfaldlega orðin tíu liða keppni um þrjú Evrópusæti og eitt fallsæti. Eitthvað ótrúlegt þarf að gerast svo að KR vinni ekki meistaratitilinn í haust og ÍBV nánast fallnir. Öll önnur lið eru í baráttunni um sæti 2 - 4 og að forðast nr. 11. Vondur dagur Ekki leikurinn til að velja margt vont. Leikurinn og þá sérstaklega seinni hálfleikurinn frábær skemmtun og bæði lið að spila fótbolta á háu tempói. En...til að velja eitthvað úr þá þarf að horfa til þess að hægri vængur Blika átti mjög erfitt varnarlega allan leikinn og ég er alveg pottþéttur á því að mr. Gunnleifsson hefði viljað stoppa eitt af þessum skotum. Dómarinn - 5,0 Nú þarf vissulega að horfa til þess að hér var enskur dómari sem var að dæma fótbolta ólíkan þeim sem hann var vanur. Hann byrjaði á að leyfa býsna margt en svo eftir um 25 mínútur fór hann að flauta mikið, sérstaklega "á jörðinni". Þá kom spjaldasúpa sem mér fannst í einhverjum tilvikum vera grimm lína en svo þegar Mikkelsen braut illa þá kom gult en ekki rautt. Svo voru þarna móment sem þarfnast skoðunar, bæði möguleg rangstaða í síðasta marki leiksins en líka atvik sem gátu jafnvel verið víti. Þetta var leikur á háu tempói í ólíkum fótbolta frá því sem hann venst og því felli ég hann ekki...