Sverrir Örn Einarsson @SEinarsson

Textalýsing Skýrslan Viðtöl

Hvað réði úrslitum? Sú staðreynd að FH gekk á lagið gegn örþreyttum Skagamönnum sem höfðu verið manni færri frá því á 28, mínútu leiksins. Skagamenn reyndu og gerðu vel framan af seinni hálfleik en þegar upp var staðið áttu þeir ekki nóg á tanknum og jafn gott lið og FH lætur ekki bjóða sér það tvisvar. Bestu leikmenn 1. Matthías Villhjálmsson Átti stóran þátt í jöfnunarmarki FH þegar hann lagði boltann fyrir Pétur Viðars sem skaut í varnarmann og inn. Skoraði sjálfur gott mark og hefði í raun átt að gera fleiri. Fínn dagur hjá fyrirliðanum 2. Jónatan Ingi Jónsson Sprengikraftur í honum í dag. Kom sér ekki á blað en var síógnandi og hefði að ósekju mátt skora. Illviðráðanlegur þegar hann er á sínum degi. Atvikið Upphafsmínúta seinni hálfleiks. Sindri Snær Magnússon fer í baráttu um boltann við Hörð Inga bakvörð FH. Sindri er dæmdur brotlegur en lendir hrikalega illa og virðist meiðast alvarlega. Alls varð um 15 mínútna töf á leiknum á meðan hugað var að Sindra og beðið eftir sjúkrabíl en sjúkraþjálfari ÍA taldi ekki ráðlegt að hreyfa við Sindra fyrr en hann mætti á staðinn. Vont að sjá og vonandi að meiðsli hans haldi honum ekki lengi frá vellinum.

Hvað þýða úrslitin? FH tyllir sér á topp deildarinnar á markatölu. Skagamenn eru límdir við botnin og þurfa að fara að sækja sinn fyrsta sigur. Vondur dagur Hákon Ingi Jónsson og meiðslalisti ÍA. Hákon skildi liðsfélaga sína eftir í skítamálum með því að fá tvö gul spjöld á innan við 5 mínútum. Fer að óþörfu í Gunnar Nielsen þegar sá Færeyski er búinn að hreinsa boltann frá á gulu spjaldi og uppskar annað gult. Heimskuleg ákvörðun það. Meiðslalisti Skagamanna lengdist líka í kvöld en Elias Tamburini og Árni Snær Ólafsson þurftu að yfirgefa völlinn vegna meiðsla líkt og Sindri Snær og óttast Skagamenn jafnvel að Árni hafa skaddað hásin. Dómarinn - 7 Hefði ekki viljað vera í sporum Sigurðar að dæma þennan leik. Hann gerði sitt vel og get ég lítið út á hann sett.