Brynjar Óli Ágústsson @brynjar_oli

Textalýsing Skýrslan Viðtöl

Hvað réði úrslitum? Fjölnir náði snemma tvö marka forystu í leiknum. Selfyssingar byrjuðu leikinn betur með mikilli pressu, en eftir tvö mörkin frá Fjölni voru þeir búnir á því í fyrri hálfleik. Í seinni hálfleik var leikurinn mjög jafn, þar til Selfoss náði að minnka muninn. Þá kom mikil pressa frá Selfyssingum og hefðu þeir alveg átt að ná að jafna leikinn. Bestu leikmenn 1. Jóhann Árni Gunnarsson, Fjölnir Fyrirliði leiksins hjá Fjölni átti góðan leik í miðjunni. Þrátt fyrir að vera ekki fastur fyrirliði, þá leysti hann verkið vel og skoraði líka mark. 2. Baldur Sigurðsson, Fjölnir Var mjög flottur í vörn Fjölnis. Bjargaði liðinu sínu alveg nokkrum sinnum. Atvikið Atvik leiksins var loka mínútur leiksins þar sem Selfyssingar voru mikið að pressa á Fjölnir. Selfoss átti mörg góð færi í síðust u 5 mínútum leiksins og maður hélt alltaf að þeir væru að fara jafna metin.

Hvað þýða úrslitin? Fjölnir fer í 4 sæti með 17 stig með þessum sigri. Selfoss er áfram í 10 sæti með 9 stig. Vondur dagur Hrovje Tokic átti slæman dag. Í lok leiksins átti hann fast skot úr teignum sem fór beint á markvörðinn. Varnarmenn Fjölnis dekkuðu Tokic vel og hann misnotaði töluverðan fjölda góðra færa. Dómarinn - 7.0 Fínn leikur hjá Elíasi dómara. Fannst hann samt nota gulu spjöldin of lítið, allavega á Selfysinganna. Hann dæmdi snemma gult á Þorstein Daníel og virtist þora ekki að lyfta gulu aftur í fyrri hálfleiknum.