Stefán Marteinn Ólafsson @Stefanmarteinn7

- Meðalaldur 26 ár

Textalýsing Skýrslan Viðtöl

Hvað réði úrslitum? Furðulegur leikur í marga staði og auðvelda svarið hérna er að Njarðvíkingar voru beittari þegar þeir leituðu fram. Bæði lið fengu færi en heilt yfir þá voru það Njarðvíkingar sem stýrðu leiknum og fengu betri færi en það skal þó ekki tekið af Gróttu að þeir voru hættulegir með boltann. Grótta vill meina að þeir hafi fengið afsökunarbeiðni frá dómara leiksins eftir leik [sjá atvik] og finnst á þeim svindlað. Bestu leikmenn 1. Dominik Radic Gerði gæfumuninn í kvöld og skoraði tvö mörk. Virkilega fagmannlegar afgreiðslur og hefði jafnvel getað skorað fleirri. Var öflugur í uppspilinu og hélt bolta vel þegar þess þurfti en fær svo rautt undir lokin sem hefði geta verið dýrt en slapp til. 2. Kenneth Hogg Var öflugur í liði Njarðvíkinga í dag. Skoraði fyrsta markið og lagði svo upp annað markið fyrir Dominik Radic. Atvikið Grótta fékk hornspyrnu sem að þeir á endanum skora úr en aðstoðardómarinn lyftir flagginu og markið fær ekki að standa. Erfitt að sjá á hvað var dæmt eða afhverju markið fékk ekki að standa. Ég sjálfur veit ekki hvort þetta var rangstaða eða aukaspyrna sem dæmt er á en markið fékk ekki að standa og Njarðvíkingar skora þriðja markið rúmri mínútu seinna og salta leikinn svolítið þar. Gróttumenn segja eftir leik að dómari leiksins hafi viðurkennt mistök og beðið þá afsökunar á þessu en þetta var stórt atriði sem aðstoðardómari virtist alveg viss með í mómentinu.

Hvað þýða úrslitin? Njarðvíkingar tylla sér á toppinn um stundarsakir hið minnsta á meðan Grótta situr áfram í 5.sætinu. Vondur dagur Fékk þó nokkra til mín sem vildu setja dómarateymið hérna og þá einna helst aðstoðardómarann. Mér fannst enginn leikmaður endilega vera eitthvað slakur í dag. Fékk einnig frá starfsmanni Gróttu fyrir leik að ef ég væri í vandræðum með þennan dálk mætti ég setja aðstöðu blaðamanna hérna svo ég hugsa að verði kannski svolítið diplo og gef henni þá bara atkvæðið. Dómarinn - 3 Heilt yfir fannst mér leikurinn þokkalega dæmdur. ÞÞÞ leyfði leiknum svolítið að fljóta og auðvitað nokkur atriði hér og þar sem menn voru ekkert endilega sammála um... En þá kemur að þessu umrædda atviki sem var risa móment í leiknum og verður bara því miður að fella dómarana. Í mómentinu sá ég ekki hvað átti að vera að þessu marki sem Grótta skorar en aðstoðardómarinn virtist alveg viss með eitthvað hvort það var brot eða rangstaða og ÞÞÞ dæmir markið af. Grótta segir svo eftir leik að dómari leiksins hafi beðið þá afsökunar á mistökum í þessu atriði sem er risastórt atvik að klikka á.

- Meðalaldur 29 ár

- Meðalaldur 21 ár