Tvö vel þjálfuð og skipulögð lið en Þróttur á fleiri öflug vopn í sóknarleiknum og það réði úrslitum. Ákveðin þolinmæðisvinna í kvöld hjá heimamönnum.

Varamaðurinn Marcos Campos Gimenez var nálægt því að jafna í 1-1 með fyrstu snertingu sinni en Trausti Sigurbjörnsson markvörður varði glæsilega. Mínútu síðar kom annað mark Þróttar og úrslitin ráðin.

Þróttur er með fullt hús og markatöluna 14-1 eftir fjórar umferðir. Algjör draumabyrjun hjá Þrótti en sjálfstraustið og leikgleðin geisla af liðinu.

Það virðist þrautinni þyngri fyrir Víkinga að koma boltanum yfir línuna hjá andstæðingunum og þannig var það í kvöld. Varnarmaðurinn Admir Kubat var mjög ósannfærandi í þessum leik.

Fín ferð í höfuðborgina. Umdeildu ákvarðanirnar mjög fáar og lítilvægar.