Selfyssingar voru betri í dag og nýttu færin betur en Njarðvíkingar. Njarðvík náði að skapa sér talsvert af færum með beinskeyttum fótbolta en þeir náðu ekki að nýta þau. Þeir klúðruðu einnig víti á tímapunkti þar sem að Njarðvíkingar gerðu gott áhlaup.

Klúður Andra Fannars á vítapunktinum í stöðunni 3-1 verður að teljast sem atvik leiksins. Njarðvíkingar hefðu getað komið þessu í 3-2 og sett alvöru pressu á Selfoss.

Þetta þýðir auðvitað að Selfoss vippar sér uppfyrir Njarðvíkingana og hafa liðin sætaskipti. Selfoss þyrfti helst að binda saman nokkra sigra til þess að koma sér upp um miðja deild. Þeir fá annan leik hér á JÁ-Verk vellinum í næstu viku til þess, þegar Fram mætir í heimsókn. Fyrir Njarðvík þýðir þetta það að þeir eru enn líklegir til þess að sogast niður í alvöru fallbaráttu með Magna og ÍR. Miðað við færasköpun ættu þeir þó að geta unnið sigra í seinni hluta mótsins.

Ég verð að setja ,,Vonda daginn" á sóknarmenn Njarðvíkur. Njarðvík skapaði urmul af færum í þessum leik en uppskeran er því miður fyrir þá mjög rýr.

Tveir dómarar í dag. Guðmundur Ársæll með fyrri hálfleik sem reyndi ekkert á hann. Helgi kom inná og dæmdi erfiðan og heitan seinni hálfleik. Komust bara vel frá sínu.