Síðasta korter leiksins. Breiðablik skorar eftir aukaspyrnu á 76. mínútu og FH-ingar virtust hreinlega gefast upp og leyfðu Blikum bara að skora tvö í viðbót sem höfðu hæglega getað orðið fleiri.

Þriðja mark Blika var laglegt, skólabókardæmi um skyndisókn og FH virtust líka ekkert nenna að verjast því sem endaði með að Gísli renndi honum í autt markið.

Breiðablik fer upp að hlið Stjörnunnar í 3.sætið þar sem Stjarnan hafa skorað fleiri mörk og eru þremur stigum frá toppliði Vals, toppbaráttan er galopin. FH hins vegar detta niður í 5.sætið og eru komnir 9 stigum frá toppnum og 6 stigum frá Blikum og Stjörnunni.

Eddi Gomes. Eddi leit ekki vel út í dag, talað um að hann eigi að vera svindlkall í þessari deild, ég sá það ekki í dag. Var hægur, tapaði mörgum einvígum og fékk á sig tvö mörk eftir föst leikatriði. Réði ekkert við Gísla Eyjólfs sem var mjög öflugur. Gunnar Nielsen og FH vörnin í heild sinni var slök.

Þóroddur dæmdi leikinn ágætlega, fyrsta markið var rangstaða en annars fínn leikur.