Skipulag KA manna og skipulagsleysi Fylkis manna skilaði þessum úrslitum í dag. KA spilaði þennan leik mjög vel og Fylkir átti fá svör við sóknarleik KA.

Cristian ver mikilvægt víti í stöðunni 1-0 sem gaf KA meira sjálfstraust. Leikurinn hefði mögulega spilast öðruvísi hefði Fylkir skorað á þessum tímapunkti í leiknum.

KA er komið með þrjá sigra í röð og 18 stig í pokann. Þeir lyfta sér upp í 6. sætið með þessum sigri og blanda sér í þá baráttu. Fylkir heldur áfram að fá á sig alltof mörg mörk, kominn með 13 mörk á sig í þremur leikjum. Þetta var 5. tapleikur þeirra í röð og þeir sitja áfram í 11. sætinu. Eitthvað þarf að lagast ef þeir ætla ekki að spila í Inkasso að ári.

Fylkisliðið átti slæman dag í heild sinni. Þetta var hins vegar alls ekki dagurinn hans Ásgeir Eyþórssonar. Hann fer í slæma tæklingu á nafna sínum í fyrri hálfleik, óþarfa tækling og fær sitt fyrsta gula spjald þá. Hann tók svo nokkrar svona skrítnar ákvarðanir og fór í óþarfa tæklingar að mínu viti. Hann gat samt mögulega lítið gert í seinna gula spjaldinu sem hann fær þar sem Steinþór var kominn á ferðina.

Jóhann Ingi átti góðan leik í dag. Þetta var hrikalega erfiður leikur að dæma, það var hiti í mönnum en mér fannst hann gera þetta vel. Það hefði auðveldlega verið hægt að missa þennan leik í vitleysu.