Gæðamunur liðanna. Valur hafði fulla stjórn í 90 mínútur og voru aldrei líklegir til annars en að vinna leikinn. Voru á undan í alla bolta og unnu flest einvígi á vellinum, Spiluðu kannski ekki af fullum krafti en unnu samt stórt sem sýnir gæðin í liðinu.

Dauðafæri Vals í upphafi. Pedersen og Acoff 2 á 1 í risa svæði, Pedersen leggur hann á Acoff sem er einn gegn Larsen í marki Víkinga en í stað þess að leggja boltann í markið reynir Acoff að leika á hann en var nær því að hlaupa með boltann út af en að koma honum í markið.

Valur lyftir sér á toppinn eftir sigur KR á Stjörnunni, Víkingar eru í ágætismálum um miðja töflu en það eru ekki mörg stig niður í fallpakkann.

Milos Ozegovic á þennan reit í dag . Átti sennilega fleiri sendingar á mótherja en samherja og átti aldrei séns í miðjumenn Vals, Einnig verð ég að minnast á Gunnlaug Fannar Guðmundsson en hann er oft klaufalega staðsettur varnarlega og virkar bara alls ekki sannfærandi.

Allt í lagi leikur hjá Helga Mikael en betur má ef duga skal. Þarf að fara stíga upp eftir slaka leiki í sumar.