Sóknargæði Blikanna og gríðaröflugur liðsvarnarleikur. Eftir frábærlega útfærða fyrstu sókn liðsins og mark var leikurinn alltaf þeirra eign.

Fjölnismenn voru mjög ósáttir við aðdraganda fyrsta marks leiksins, vildu meina að Mikkelsen hefði brotið af sér í aðdragandanum. Mjög erfitt að sjá úr blaðamannstúkunni, þarfnast sjónvarpsvéla.

Fjölnismenn munu leika í Inkassodeildinni á næsta ári en Blikar fara í síðasta leikinn gegn KA vitandi það að með sigri þeirra og ótrúlegum úrslitum á Hlíðarenda verða þeir meistarar.

Sóknarlínan hjá Fjölni átti mjög erfitt. Skulum ekki taka neitt af frábærum varnarleik Blika en þá sénsa sem Fjölnismenn fengu nýttu þeir afskaplega illa. Svolítið saga sumarsins þeirra.

Tríóið fínt í dag. Vilhjálmur er í hörkuformi og nálægt öllu sem upp kemur. Fannst vanta pínu upp á samræmið í ákvörðunum en ekki nein stór atvik sem léku hann illa.