Egill Sigfússon @EgillSi

Textalýsing Skýrslan Viðtöl

Hvað réði úrslitum? Opnar varnir, Eiður Aron og Orri voru mjög ólíkir sjálfum sér og bæði lið fá á sig þrjú mörk. Fyrst og fremst gæði sóknarleiks beggja liða í seinni hálfleik sem skapa þessi úrslit. Bestu leikmenn 1. Júlíus Magnússon Júlíus var gjörsamlega frábær á miðjunni í dag, leit út fyrir að vera með 15 ára reynslu og steig ekki feilspor. 2. Logi Tómasson Logi kom inná í vinstri bakvörðinn, skoraði gjörsamlega stórbrotið mark og lagði svo upp þriðja markið. Þvílík draumainnkoma! Atvikið Það er markið hans Loga, klobbaði tvo bestu hafsenta deildarinnar síðustu ár og smurði hann svo bara í vinkilinn!

Hvað þýða úrslitin? Valsmenn sem spáð er titlinum byrja á jafntefli á heimavelli við Víkinga sem er spáð falli. Ekki góð byrjun hjá Íslandsmeisturunum en frábær karakter að jafna leikinn þrisvar. Víkingar geta farið bjartsýnir inn í næsta leik eftir þessa spilamennsku. Vondur dagur Eiður Aron Sigurbjörnsson. Besti varnarmaður deildarinnar síðasta tímabil var úti á þekju í kvöld, hans lélegasti leikur í Vals treyjunni. Sendir beint á Rikka T í fyrsta markinu og er klobbaður af Loga í öðru markinu. Þetta er ekki sá Eiður Aron sem við þekkjum en hann mætir væntanlega tvíefldur í næsta leik. Dómarinn - 7 Hafði góð tök á leiknum heilt yfir en hefði getað dæmt víti á Sölva Geir og svo var hornspyrnan sem Víkingar skoruðu þriðja markið eftir umdeild.