Sæbjörn Þór Þórbergsson Steinke @saebjornth

Textalýsing Skýrslan

Hvað réði úrslitum? Varnarleikur Njarðvíkur var til fyrirmyndar. Brynjar Atli var öruggur í markinu nánast allan leikinn. Missti eina fyrirgjöf og upp úr því var dæmd vítaspyrna. Njarðvíkingar nýttu sér svo liðsmuninn í framlengingunni og skoruðu þriðja mark leiksins sem var gífurlega mikilvægt. Bestu leikmenn 1. Stefán Birgir Jóhannesson Ekki það frumlegasta að gefa Stefáni þetta en hann var flottur í leiknum og hættulegur í skyndisóknum. 2. Brynjar Freyr Garðarsson Flottur í miðverðinum ásamt Arnari Helga. Kenneth Hogg á einnig skilið að vera nefndur hér. Atvikið Vítaspyrnudómurinn er klárlega atvik leiksins. Enginn virtist sjá vel hvað gerðist. Brynjar hélt ekki fyrirgjöf og mikið klafs var á teignum í kjölfarið. Hlynur Atli Magnússon öskraði manna hæst og mögulega dugði það til þess að víti varð dæmt.

Hvað þýða úrslitin? Njarðvík er komið í 16-liða úrslit bikarsins sem er jöfnun á besta árangri félagsins eins og Rafn Markús, þjálfari liðsins, benti á í viðtali eftir leik. Fram getur einbeitt sér alfarið að Inkasso-deildinni. Vondur dagur Marcus Vinicius Mendes Vieira eða Marcao eins og hann er kallaður. Var þokkalegur framan af en fékk svo heimskulegt rautt spjald undir lokinn á venjulegum leiktíma. Fram hefði vel þegið að spila 11 gegn 11 í framlengingunni. Dómarinn - 7 Ég ætla gefa Helga Mikael 7. Dæmdi mjög vel í leiknum en spurning með vítaspyrnudóminn. Framarar nálægt mér sögðu að þetta hefði verið lítið. Lítið um óþarfa flaut.