Blikar sýndu mun meiri gæði í þessum leik og pressuðu Víkinga virkilega vel, auk þess auðvitað að skora fleiri mörk!

Klúður Thomas Mikkelsen var ótrúlegt! Maður hefði haldið að einn besti sóknarmaður deildarinnar ætti að klára svona færi en sjón er sögu ríkari. Hann skaut yfir markið eftir að Andri Yeoman lagði boltann á hann framhjá Dodda markmanni.

Blikar eru komnir með 7 stig á topp deildarinnar ásamt FH en Víkingar sitja í 8. sæti með tvö stig.

Það voru nokkrir leikmenn Víkings sem spiluðu mun betur í fyrstu tveimur leikjunum, eins og Halldór Smári, Logi Tómasson og Rick ten Voorde. Ég reiknaði með betri frammistöðu sóknarlega frá Víking í dag miðað við leiki þeirra gegn Val og FH svo það mætti nefna fleiri þarna.

Tríóið var virkilega flott í dag fyrir utan tvær smáatriða aukaspyrnur sem mér fannst rangt að dæma.