Stefán Marteinn Ólafsson @Stefanmarteinn7

Textalýsing Skýrslan Viðtöl

Hvað réði úrslitum? Það var mikið jafnræði með liðunum framan af og hvorugt liðið var í raun líklegra fram að 42.mín þegar Þórsarar komust yfir og það virtist heldur betur slá Njarðvíkingar svolítið að hafa fengið þetta mark á sig því stuttu seinna var orðið 2-0. Þessi leikur fer seint í sögubækurnar fyrir skemmtanargildi en þegar uppi er staðið voru gæði Þórsara bara meiri Bestu leikmenn 1. Jóhann Helgi Hannesson Það fór allt í gegnum Jóhann Helga í þessum leik öll hætta sem Þórsarar náðu að skapa var duglegur að halda Njarðvíkingum við efnið 2. Sveinn Elías Jónsson Átti flottan leik heilt yfir áður en hann fór af velli og braut ísinn fyrir Þórsara Atvikið 42.-45.mín - Það var eins og Njarðvíkingar höfðu vankast við að fá á sig fyrsta markið og Þórsarar gengu því á lagið og náðu að koma boltanum innfyrir marklínu aftur með hjálp Njarðvíkinga fyrir leikhlé. Köld tuska í andlit Njarðvíkinga sem voru búnir að halda vel utan um Þórsara fram að þessu

Hvað þýða úrslitin? Þór færist á toppin með fullt hús eða 6 stig og skilja Njarðvíkinga eftir með sín 3 stig. Vondur dagur Kenneth Hogg sýndi ekki mikið í þessum leik, ásamt mörgum öðrum kannski en mér fannst Kenny full ragur í leiknum og hikandi. Dómarinn - 4 Mjög tilviljunarkenndar ákvarðarnir í báðar áttir. Oft eins og hann væri að reyna bæta upp mistök með öðrum mistökum sem er aldrei góð hugmynd. Fall er fararheill og ég er ekki í nokkrum vafa um að Arnar Þór lærir bara af þessu og komi sterkari tilbaka