Óskar Páll Davíðsson @

Textalýsing Skýrslan

Hvað réði úrslitum? KR sýndi gæði sín og kláraði þennan leik gegn baráttuglöðum Húsvíkingum. Völsungar sýndu mikla baráttu allan leikinn en fengu heldur ódýr mörk á sig hér í dag. Bestu leikmenn 1. Inle Valdes Mayari (Völsungur) Besti maður leiksins í dag. Varði oft á tíðum mjög vel og hélt Völsungum inn í leiknum framan af. Missir reyndar boltann í 1 markinu en var hreint út sagt magnaður í markinu hjá Völsungum. 2. Pálmi Rafn Pálmason (KR) Stóð sig vel gegn sínu gamla liði hér í dag. Stjórnaði miðjunni vel í dag var að dreifa boltanum vel út um allan völl. Atvikið Vítið sem KR fær í lokin. Völsungar voru búnir að sækja undanfarnar mínútur en KR-ingar fara fram og fá víti og skora úr því.

Hvað þýða úrslitin? KR er komið skrefi nær 15. bikartitlinum á meðan bikarævintýri Völsunga endar þetta árið. Það kemur ár eftir þetta. Vondur dagur Erfitt að setja einhvern hingað í dag en Björgvin Stefánsson klúðraði aragrúa af færum í dag og hefði allavega átt að setja tvö mörk. Dómarinn - 5 Sigurður hefur átt betri daga en hér á Húsavík í dag. Flautaði mikinn óþarfa og leifði leiknum aldrei að fljóta. Datt 2 í gildruna þegar Völsungar komust í væna stöðu og dæmdi brot eftir að KR-ingra duttu í jörðina. Þarf að sjá vítið aftur til að dæma enn frekar um það.