Stefán Marteinn Ólafsson @Stefanmarteinn7

Textalýsing Skýrslan Viðtöl

Hvað réði úrslitum? Innkoma Jason Daða má segja að hafi ráðið úrslitum hér í dag. Ekki fallegur fótbolti sem boðið var uppá í dag. Bestu leikmenn 1. Jason Daði Svanþórsson Kom inn af bekknum í síðari hálfleik og gaf Aftureldingu það sem þurfti til að klára þennan leik. Var hættulegasti maður vallarins í dag. 2. Brynjar Freyr Garðarsson Var besti maður Njarðvíkur í leiknum og gat lítið gert við mörkunum sem Njarðvíkingar fengu á sig. Var líka með þeim hættulegri fram á við hjá Njarðvík. Atvikið Fyrsta mark leiksins. Hornspyrna sem Njarðvíkingar hreinsa út úr teig en Afturelding á skot sem Brynjar Atli slær upp í loft og svo má diskótera hvort um brot hafi verið að ræða eða ekki.

Hvað þýða úrslitin? Afturelding hoppar upp í 9.sætið meðan Njarðvíkingar falla niður í 10.sætið. Vondur dagur Andri Gíslason og Atli Geir hjá Njarðvík verða að deila þessu. Andri komst aldrei í takt við leikinn en Atli Geir lét grípa sig illa í öðru markinu í dag auk þess sem hann var oft með mjög sérkennilegar ákvarðanir í öftustu línu. Dómarinn - 8,5 Sómasamlega dæmt og ekki mikið um vafa dóma. Ekkert atriði sem hægt er að benda á sem mætti hafa farið betur nema kannski í aðdraganda fyrsta marksins hvort brotið hafi verið á markverði Njarðvíkur eða ekki.