Gæði Fjölnisliðsins voru einfaldlega meiri í dag. Sigldu sigrinum heim, voru þéttir og vel skipulagðir út í gegnum leikinn og virtust eiga nóg inni EF til þess kæmi að það þyrfti meira púður í leikinn.

Nacho Heras gaf aukaspyrnununa sem Fjölnismenn skoruðu úr. Fer í glórulaust einvígi við Jón Gísla Ström sem hann átti aldrei séns í að vinna. Markið lagði grunninn að þægilegum og klínískum sigri Fjölnismanna

Fjölnismenn tróna einir á toppnum með 22 stig af 30 mögulegum og virðast vera eitt af fáum liðum í deildinni sem ÆTLAR upp í Pepsi-max deildina.

Leiknisliðið í heild sinni. Það var í raun enginn leikmaður Leiknis sem var áberandi að skila frammistöðu sem slær í takt við getu. Holningin á liðinu var því miður ekki góð í dag. Hvort heldur sem er varnarlega eða sóknarlega. Fjölnisliðið leysti hápressu heimamanna næsta því án þess að svitna svo það eru ansi mörg spurningamerki við leik liðsins í dag.

Hafði ekki nein áhrif á útkomuna. En margir einkennilegir dómar og ekki dómar sem litu dagsins ljós. Eigum við ekki bara að segja klassísk íslensk dómaraframmistaða.