Elvar Geir Magnússon @elvargeir

Textalýsing Skýrslan

Hvað réði úrslitum? Leiknismenn voru með pálmann í höndunum í hálfleik en mættu vankaðir til leiks í seinni hálfleiknum og Gróttumenn nýttu sér það. Þetta eru tvö stórskemmtileg fótboltalið með marga spennandi leikmenn og leikurinn í kvöld var klárlega sú skemmtun sem við mátti búast. Fjögur mörk, rautt spjald, hámarks spenna, góð mæting og mikil gleði. Bestu leikmenn 1. Sólon Breki Leifsson - Leiknir Þessi frábæri sóknarmaður skoraði tvö mörk í kvöld og kom Leikni í kjörstöðu í leiknum. 2. Kristófer Orri Pétursson - Grótta Átti flottar sendingar í leiknum og glæsilega stoðsendingu í jöfnunarmarkinu. Atvikið Eftir að hafa fengið rauða spjaldið fékk Leiknir dauðafæri til að skora sigurmarkið. Hákon Rafn varði á ótrúlegan hátt frá Sævari Atla af stuttu færi. Menn tala um að Hákon hafi fengið boltann í andlitið.

Hvað þýða úrslitin? Það er enn allt galopið í baráttunni um að taka 2. sætið í Inkasso. Fjölnismenn sigla væntanlega toppsætinu í hús en Grótta og Leiknir eru enn með í baráttunni. Það verður líklega spenna allt til loka. Vondur dagur Leikurinn í kvöld var veisla fyrir áhorfendur enda leikur tveggja mjög spennandi fótboltaliða. Við skilum því auðu í þessum lið í kvöld. Dómarinn - 5,5 Virkaði ósannfærandi og óviss í mörgum dómum. Þrátt fyrir ekkert sérstaka frammistöðu slapp þetta þokkalega í endann.