Breiðablik voru bara miklu betri í þessum leik frá a-ö. Yfirspila KA liðið sem áttu fá svör og KA ekki að skapa sér mörg færi. Blikar með alvöru 4-0 sigur á lánlausum KA mönnum í kvöld.

Leiðindaatvikið. Í fyrsta marki Blika lenti Ívar á Aroni Degi sem þurfti að fara út á börum og er núna á sjúkrahúsi í myndatöku. Vonum að þetta sé ekki alvarlegt hjá þessum gríðarlega efnilega markmanni.

Úrslitin þýða að Blikar minnka forskot KR aftur í 10 stig og halda öðru sætinu. Blikar voru á langri eyðimerkurgöngu án sigurs en komust heldur betur á bragðið í kvöld. KA er áfram í fallsæti og markatalan þeirra versnaði verulega en hún gæti talið í lok móts.

Haukur Heiðar Hauksson. KA liðið var afleitt í kvöld og hefðu margir getað fengið þennan vafasama heiður en Haukur var alls ekki góður í kvöld, missti marga bolta yfir sig og innfyrir og réði ekkert við fremstu menn Blika.

Hélt engri línu í leiknum, dæmdi oft bara eftir tilviljun og bæði lið voru ósátt með margar ákvarðanir hans í leiknum.