Elvar Geir Magnússon @elvargeir

Textalýsing Skýrslan Viðtöl

Hvað réði úrslitum? Víkingar stilltu upp í tígulmiðju og virtist það koma Blikum á óvart. Heimamenn voru greinilega vel tilbúnir og gíraðir í þetta verkefni og sigur þeirra algjörlega verðskuldaður. Betra liðið í kvöld. Bestu leikmenn 1. Kári Árnason - Víkingur Naut sín hrikalega vel í dag og setti tóninn. 2. Sölvi Geir Ottesen - Víkingur Vel við hæfi á þessari stóru stund hjá Víkingi að Kári og Sölvi séu valdir bestir. Atvikið Aukaspyrnumarkið sem Óttar Magnús Karlsson skoraði. VÁÁÁÁ!! Geggjuð spyrna í slá og inn. Sá er að koma inn með krafti í Víkingsliðið.

Hvað þýða úrslitin? Víkingur í bikarúrslitaleikinn í fyrsta sinn síðan 1971. Stappfullur völlur, rosa stemning og frábær fótboltaleikur sem hafði allt. Vondur dagur Elfar Freyr Helgason missti algjörlega hausinn. Lét reka sig út af og hrifsaði svo rauða spjaldið af dómaranum og kastaði í jörðina. Ekki í fyrsta sinn sem Elfar ræður ekki við skapið. Dómarinn - 6 Hrikalega erfiður leikur að dæma. Fullt af erfiðum ákvörðunum og menn að missa hausinn Þorvaldur slapp á endanum ágætlega frá þessu þó aðstoðardómarinn hafi klikkað allrækilega í aðdragandanum að marki Blika.