Leiknismenn voru með tögl og haldir gegn bitlausum Haukamönnum. Sjálfstraustið er ekki mikið hjá Hafnarfjarðarliðinu og það sást á spilamennskunni. Miðverðir Leiknisliðsins sáu um markaskorun kvöldsins.

Annað mark Leiknis var flautumark í fyrri hálfleik og fór langt með að drepa vonir gestaliðsins.

Leiknismenn halda sér í toppbaráttunni og eygja enn von um Pepsi Max á næsta ári. Haukar gætu verið komnir í fallsæti á morgun.

Haukar áttu í vandræðum með að tengja saman sendingar á miðsvæðinu. Aron Freyr Róbertsson náði ekkert að sýna og var tekinn af velli.

Fín dómgæsla en samræmið í spjaldagjöf var aðeins furðulegt.