Síðasta spyrna leiksins og sú mikilvægasta var framkvæmd af Sóloni Breka Leifssyni. Spyrnan heldur lífi í Leiknismönnum í umferð í viðbót en dæmir Keflvíkinga til að reyna aftur að ári.

Þessar brjáluðu 10 sekúndur í restina. Keflvíkingar spila sig í frábæra opnun fyrir Frans sem gerir í raun allt rétt. Fast innanfótarskot sem hefði sjálfsagt endaði í ansi mörgum netmöskvum. Upp geysast Leiknismenn og Stefán Árni kemur boltanum í heilaga landið þar sem Sólon Breki klárar af stuttu færi. Þessi íþrótt!

Vonir Leiknismanna lifa. Fjölnismenn geta slökk þær vonir í næstu umferð á Extra-vellinum í leik sem sjálfsagt fær einhverja umfjöllun enda má rifja upp allavega tvær rimmur þar sem allt hefur verið undir í. Vígbúnaðarkapphlaupið milli Grafarvogs og Breiðholts er hafið!

Ekki beint hægt að sirka neinn út sem slakan í dag í sannleika sagt. Flottur fótboltaleikur í heildina þar sem mikið var undir og var það 10sekúndna leikkafli í lokin sem réði úrslitum.

Þorvaldur leyfði leiknum að fljóta vel. Var með þunga flautu sem reyndist góð nálgun fyrir leikinn. Keflvíkingar nefnan aðdraganda marksins og að þar hefði leikbrot átt sér stað. Undirritaður sá ekki atvikið en ef rétt er þá er það vissulega til lækkunar. En leyfi Þorvaldi og hans mönnum sannarlega að njóta vafans.