Það var ekki mikið um færi í þessum leik og liðuin nýttu illa góðar stöður til að búa til góð færi. Skagamenn skoruðu geggjað mark úr aukaspyrnu og Grindavík úr einu af óteljandi föstum leikatriðum í leiknum.

Klárlega markið sem Stefán Teitur skoraði. Aukaspyrna rétt utan teigs sem Stefán smellti bara í vinkilinn. Geggjað mark!

Skagamenn eru formlega öruggir með sitt sæti í deild þeirra bestu á næsta ári. Grindavík á ennþá tölfræðilegan möguleika á að bjarga sér en það þarf eitthvað það ótrúlegasta kraftaverk sem sést hefur í íslenskri knattspyrnu til að það gangi upp.

Skagaliðið í heild sinni í seinni hálfleik. Voru alveg rosalega slakir og í raun eftir á í öllum aðgerðum. Voru bara heppnir að Grindavík nýtti sér það ekki betur. Þeir fengu 2-3 sjensa til að búa til alvöru færi en fóru afar illa að ráði sínu.

Fínasta frammistaða hjá Helga Mikael og félögum. Engin stór ákvörðun sem klikkaði. Ekki erfiður leikur að dæma.