Kristófer Jónsson @kristoferjonss

Textalýsing Skýrslan Viðtöl

Hvað réði úrslitum? Staðreyndin að KR eru Íslandsmeistarar og Breiðablik eru í öðru sæti. Blika virkuðu líklegri í upphafi leiks en fundu einhvernveginn engin svör við varnarvegg KR. Þegar að KR skoraði svo tvö mörk með tveggja mínútna millibili var þetta svo gott sem komið. Bestu leikmenn 1. Kennie Chophart Kennie er búinn að vera frábær fyrir KR í sumar eftir að hafa verið færður í hægri bakvörðinn. Skorar fyrsta mark KR í dag og var duglegur allan þann tíma sem að hann fékk að spila. 2. Arnór Sveinn Aðalsteinsson Annar leikmaður sem að er búinn að vera geggjaður í sumar. Arnór hélt uppteknum hætti í dag og gerði Blikum gríðarlega erfitt fyrir að skapa sér færi. Atvikið Mörkin tvö hjá KR. Breiðablik var búið að vera líklegri aðilinn allan leikinn og kom það eins og þruma úr heiðskýru lofti þegar að Kennie skoraði. Mínútu síðar skoraði svo Kristján Flóki og leikurinn svo gott sem búinn.

Hvað þýða úrslitin? KR-ingar jafna stigametið og enda mótið með 52 stig. Þá eru þeir einnig búnir að setja nýtt met en ekkert lið hefur unnið deildina með eins miklum mun, eða 14 stig. Blikar enda mótið í öðru sæti með 38 stig. Vondur dagur Mér fannst nú enginn eitthvað arfaslakur í dag satt best að segja. Viktor Örn Margeirsson var duglegur að reyna skot af löngum færum en boltinn fór alltaf yfir hjá honum. Hann var samt sem áður ekkert slakur í leiknum og var þó að reyna. Dómarinn - 5 Gefum Jóhanni fimmu hérna. Leikurinn var nú ekkert svakalega erfiður að dæma og lítið um vafamál. Mér fannst heldur sérstakt þegar að hann dæmdi víti þegar að Beitir og Thomas voru að berjast um boltann og fær hann mínus í kladdann fyrir það. Mögulega er ég samt bara að tala með afturendanum.