Magnús Þór Jónsson @maggimark

- Meðalaldur 34 ár

- Meðalaldur 25 ár

Textalýsing Skýrslan Viðtöl

Hvað réði úrslitum? Þrjár brottvísanir, allar á sama lið. Hetjuleg barátta Víkinga fjaraði smám saman út jafnóðum og fækkaði í liði þeirra. Ekki viss um að þetta hafi nokkurn tíma hent í efstu deild íslenskrar knattspyrnu - heil varnarlína rekin útaf. Bestu leikmenn 1. Kristján Flóki Finnbogason Skoraði markið sem braut ísinn í leik sem virtist ætla markalaus. 2. Óttar Magnús Karlsson Ógnandi og stanslaust að berjast. KR áttu í miklum vanda með hann. Atvikið Varúð. Langur pistill. Fjögur stór atvik koma upp í leiknum sem þarf að ræða. a) Kennie Chophart fer með olnbogann í andlit Nicolaj Hansen í horni í fyrri hálfleik en sleppur með það. Sást ekki úr stúkunni en klárlega í endursýningu sjónvarps. b) Kristján snýr Kára af sér og er sloppinn í gegn, Kári tekur í Kristján sem fellur strax við. Þekktur leikur í nútíma fótbolta, framherjar standa oft ekki slíka snertingu af sér og um leið og dómarinn flautar er þetta rautt spjald. c) Rautt spjald á Sölva. Úr stúkunni virðist hann slá Stefán liggjandi í jörðinni og enginn þar verður var við bakhrindingu Pablo Punyed í aðdragandanum en augljóst í sjónvarpi. d) Í lok leiks hendir Halldór sér í suddalega tæklingu á Kennie sem er borinn slasaður af velli og rautt á loft. Hvað nú? Í viðtali eftir leik vildi Arnar ekki kalla eftir VAR en a.m.k. í atvikum a) og c) hefðu dómarar klárlega þegið aðstoð sjónvarpsins og ljóst má vera að sérstaklega hefði fyrsta atriðið breytt leiknum, alltaf víti og mögulega rautt á Chopart. Umræðan hlýtur að verða enn sterkari á Íslandi því að úr stúkunni fór margt framhjá auganu sem sjónvarp og skjárinn hafi bjargað.

Hvað þýða úrslitin? KR eru komnir í 2.sæti PepsiMax. Víkingar sitja í 8.sæti eftir fyrsta tapleikinn þeirra í deildinni. Vondur dagur Aftur frekar flókið að finna út úr því. KR áttu ekki góðan dag, sérlega átti miðjan erfitt í dag. Svolítið kjánalegt að taka hlut úr sigurliðinu en leikurinn verður ekki skoðaður á venjulegan hátt eftir að Sölvi fer útaf. Tækling Halldórs á Chopart var auk þess afar vond. Dómarinn - 5,0 Sjá "atvikið". Dómaratríóið mun væntanlega fara oft yfir leikinn, eftirlitsdómarinn þarf að horfa á hann líka nokkrum sinnum til að skoða vafaatvikin fjögur. Rauðu spjöldin voru umdeild og hægt að ræða marga hluti í þeim öllum með gamla "með" og "á móti" umræðuþræðinum eftir liðum...og olnbogi Chopart var hár. Allur vafi fellur KR-megin sem verður ekki litið framhjá. Tríóið var hins vegar ákveðið í sínum verkum og allur dómaraprótókollurinn var réttur. Er VAR svarið??? Allir vita að ég er á því persónulega m.a. vegna þess að ég held að dómarar séu svekktir að missa af atriðum inni á vellinum sem skipta máli.

- Meðalaldur 30 ár

- Meðalaldur 26 ár