KF spilaði heilt yfir betur í þessum leik og sóknaraðgerðir gestanna heilt yfir beittari. D/R leiddi 1-0 í hálfleik en KF herjaði á mark heimamanna í seinni hálfleik og uppskar sanngjarnan sigur.

Mark Hrannars. Fær boltann úti vinstra megin, tekur þunga snertingu en nær að halda boltanum og smellir honum svo upp í fjærhornið. Stórglæsilegt.

KF hefur nú unnið Dalvík/Reyni sjö sinnum í síðustu átta deildarleikjum liðanna (eitt jafntefli) og vann auk þess bikarleik liðanna í júní. KF er með sex stig og hefur unnið tvo leiki í röð á meðan D/R er með fjögur stig.

Gianni (Joan De Lorenzo Jimenez). Skrítið að segja það þar sem hann átti góða hornspyrnu sem bjó til fyrsta markið og lagði svo boltann inn á Áka í besta færi fyrri hálfleiks. Fyrir utan þau atriði var Gianni virkilega slakur en besti maður vallarins lék sér að honum trekk í trekk og mögulega er sá spænski ekki í alveg nægilega góðu standi.

Heimamenn áttu að fá vítaspyrnu í stöðunni 1-2 þegar boltinn fer í hönd miðjumanns KF. Það hefði breytt gangi leiksins. Upplifunin er samt sú að heimamenn töpuðu ekki út af dómaranum í kvöld. Vítið sem heimamenn svo fengu virkaði ódýrt úr stúkunni.