Gylfi Tryggvason @

Textalýsing Skýrslan Viðtöl

Hvað réði úrslitum? Góð byrjun Blikanna leiddi af sér verðskuldað mark. Þær héldu út og geta þakkað sjálfum sér og dómara leiksins. En auðvitað veit maður aldrei hvernig leikurinn hefði þróast ef víti hefði verið dæmt. Bestu leikmenn 1. Íris Dögg Gunnarsdóttir Íris var frábær í dag og átti nokkrar góðar vörslur á mikilvægum tímapunktum. 2. Sveindís Jane Jónsdóttir Var verulega ógnandi með sínum gríðarlega hraða, kom sér oft í hættulegar stöður og vantaði lítið upp á að hún hefði komið að nokkrum mörkum í kvöld. Atvikið Sjaldan verið eins auðvelt. Fylkisstelpur áttu að fá víti á 37. mínútu leiksins sem hefði gjörbreytt leiknum.

Hvað þýða úrslitin? Blikar eru komnar í 8-liða úrslitin á meðan Fylkir neyðast til að einbeita sér að deildinni. Vondur dagur Bríet fær sinn dálk hér að neðan svo ég ætla að velja Maríu Evu sem átti erfiðan dag á skrifstofunni í varnarlínu Fylkis og réð illa við hröðu sóknarmenn Blika, sér í lagi Sveindísi. Dómarinn - 3 Það er alltaf leiðinlegt þegar dómarar hafa áhrif á úrslit leikja. Það þekki ég af eigin reynslu, eftir að hafa starfað með dómurum sem hafa gert það. Bríet sýndi mikið einbeitingarleysi í vítaspyrnuatvikinu. Hún var ekki tilbúin fyrir hið óvænta og var nánast stödd inn í miðjuhringnum þegar brotið átti sér stað og þar af leiðandi engan veginn í stöðu til að taka rétta ákvörðun. Hún féll á prófinu í dag og hvort einkunnin sé 2, 3 eða 4 er aukaatriði. Ég set einnig spurningarmerki við að KSÍ skuli raða henni á þennan leik verandi að koma beint úr sóttkví. Hvað með liðin sem voru sjálf nýkomin úr sóttkví? gæti einhver spurt. Þessi lið URÐU að mæta í leikinn. Margir aðrir dómarar hefðu getað dæmt þennan stórslag í bikarnum á meðan hún hefði getað komið sér í leikform með því að dæma auðveldari leik fyrst.