Valsmenn nýttu færin sín vel og voru sterkari heilt yfir. Fylkismenn voru að komast í góðar stöður en náðu ekki að reyna neitt á Hannes í markinu. Atli Sveinn Þórarinsson, fyrrum fyrirliði Vals sem núna er annar þjálfara Fylkis, ætlaði að taka þrjú stig en hans menn komust of sjaldan nálægt því að skora, sérstaklega í seinni hálfleiknum. Sanngjarn sigur Vals niðurstaðan.

Það var þegar Arnór Gauti Ragnarsson átti skot í vítateignum eftir hornspyrnu. Boltinn fór í slána og niður. Undirritaður persónulega hélt að boltinn hefði mögulega farið inn, en fáir í fréttamannastúkunni voru sammála. Ekki löngu síðar kom annað mark Vals og brekkan var brött fyrir gestina eftir það.

Valsmenn fara á toppinn en það er bara augnabliksmynd. KR á nefnilega leik til góða. Það er samt jákvætt fyrir Val að taka fyrsta sigurinn á heimavelli í sumar og það er eitthvað til að byggja á. Fylkir, fyrrum toppliðið, hefur tapað tveimur í röð og næsti leikur er gegn HK, sem var að vinna Breiðablik rétt í þessu.

Valdimar Þór Ingimundarson. Besti maður Fylkis var spilaður sem fremsti maður og komst engan veginn í takt við leikinn. Því miður fyrir Fylkismenn. Patrick Pedersen átti heldur ekki góðan dag fyrir framan markið. Hann klúraði einu mesta dauðafæri sem ég hef séð.

Einar Ingi hafði góða stjórn á leiknum og stóð sig á heildina litið vel, þó að Fylkismenn hafi verið pirraðir yfir ýmsu. Flottur leikur hjá honum. Mér fannst spurning vera við rangstöðu í aðdraganda marks númer tvö hjá Val en ég get ekki dæmt um það 100 prósent. Eins með sláarskotið hjá Fylki. Ég get ómögulega dæmt um hvort það hafi verið mark eða ekki, en dómararnir voru vissir í sinni sök.