Framarar verða án Ægis Jarls Jónassonar í kvöld en hann fékk að líta rauða spjaldið gegn Víkingi í síðustu umferð.

Fred Saravia er að koma til baka eftir meiðsli og gæti komið inn á miðjuna í hans stað í liði Fram.

Blikar fá aðeins þriggja daga hvíld á milli leikja en Framarar hafa fengið átta daga til þess að ná kröftum sínum á ný eftir 2-2 jafntefli gegn Víkingi á Víkingsvelli.

Spurning hvort að hvíldin muni hafa einhver áhrif í kvöld.

Höskuldur Gunnlaugsson, fyrirliði Breiðabliks, hefur síðustu vikurnar verið orðaður við Val en Halldór Árnason, sem þjálfaði Höskuld á árunum 2020-25 hjá Breiðabliki, mun taka við Val eftir tímabilið.

Breiðablik vann Aftureldingu í úrslitaleik Mjólkurbikarsins á föstudaginn síðastliðinn.

Gengi liðsins í deild fyrir þann leik hafði ekki verið upp á marga fiska og er spurning hvernig Blikar mæta til leiks hér í kvöld.

Með sigri Víkinga í gær má segja að liðið sé með níu fingur á Íslandsmeistaratitlinum.

Fram er ellefu stigum á eftir toppliðinu en getur minnkað forystu Íslandsmeistarana niður í átta stig.

Framarar eru þó í harðri baráttu við KR-inga um annað sæti deildarinnar sem veitir betra Evrópusæti. Liðið sem hafnar í öðru sæti sleppir fyrstu umferð í forkeppni Sambandsdeildarinnar.

Fram er með 45 stig en KR 47 stig.

Heilir og sælir lesendur góðir!

Verið velkomin í þráðbeina textalýsingu frá Lamhagavellinum í Úlfarsárdal þar sem Fram tekur á móti nýkrýndum bikarmeisturum Breiðabliks í lokaleik 23. umferðar í Bestu deildinni.