Það eru nokkur atriði. Það er dæmt mark af KA og samkvæmt því sem ég heyri á Ásgeir að hafa truflað Beitir þegar Guðmundur skorar. Ef markið var löglegt myndi ég segja að Ívar dómari og hans aðstoðamenn eigi stóran þátt í úrslitunum. Annað er svo að Guðmundur fær kjörið tækifæri til að koma KA yfir stuttu seinna þegar KA fær víti en Beitir ver þannig Beitir er örlagavaldurinn þar. Fram að því var það agaður varnarleikur beggja liða sem stjórnaði því að hvorugt liðið var að fá einhver færi og niðurstaðan eftir því.

Markið sem er dæmt af. Kristinn sendir boltann niður á Beitir sem hittir boltann illa. Boltinn berst til Guðmundar sem skorar í autt markið. Dómarinn vil meina að Ásgeir hafi truflað Beiti og því sé markið dæmt af. Það þarf að sjá þetta aftur á myndbandi til að vita hvort þetta hafi verið réttur dómur.

Liðin fá sitthvort stigið. KR er komið í toppsætið þar sem þeim líður afskaplega vel með 17 stig. Valur á þó eftir að spila sinn leik í þessari umferð. KA fer upp í 8 stig í 9 sæti og hafa ekki tapað leik eftir að Arnar tók við.

Ég set þetta á sóknarleik beggja liða þar sem liðin náðu ekki að búa sért til neinn færi. Guðmundur fær líka sitt sæti í þessum dálk. Hann var fínn í leiknum en hlýtur að svíða sárt að brenna af víti á 89 mínútu.

KA skorar mögulega löglegt mark sem var dæmt af. Þar til annað kemur í ljós fá Ívar og hans menn falleinkunn. Áður en markið var skorað var Ívar búinn að eiga sæmilegan leik en það sprakk allt á vellinum í lokinn og mikill hiti í mönnum.