Einbeitingarleysi Þróttar í upphafi seinni hálfleiks reyndist þeim dýrt í kvöld. Þróttur stýrði leiknum að stærstum hluta og voru heilt yfir betra liðið á vellinum í kvöld og hefðu að ósekju átt stigin þrjú skilið. Tökum þó ekkert af Þór/KA sem með góðum og öguðum leik í öftustu línu tóku stigið með sér norður.

Fyrrnefnt mark Stephanie Mariana Ribeiro látum lýsinguna segja sína sögu, Þvílíkt mark!!!!!!!! Fær heiðurinn ein og óstudd. Fær boltann við miðjubogann og snýr strax í átt að marki. Með alla varnarlínu Þórs/KA fyrir framan sig keyrir hún í átt að teignum og lætur vaða af 18-20 metrum og boltinn syngur í bláhorninu.

Þróttur fellur niður í 9.sæti deildarinar og þar með fallsæti og þarf að fara ná í sigra. Fá gott tækifæri til þess þegar FH kemur í heimsókn næstkomandi sunnudag. Á meðan situr Þór/KA í 7.sæti en er aðeins stigi frá fallsæti og geta ekki leyft sér mikið fleiri leiki án sigurs í röð. Eiga þó risastórt verkefni fyrir höndum að taka á móti Breiðablik næstkomandi sunnudag.

Andrea Rut Bjarnadóttir sem að öðru leyti átti fínan leik í liði Þróttar gerði sig seka um mistök í upphafi síðari hálfleiks er hún skallaði hornspyrnu Þór/KA inn að marki Þróttar fyrir fætur Heiðu Ragney sem þakkaði fyrir sig með jöfnunarmarkinu. Mun örugglega ekki nenna að sjá endursýningu af því marki.

Ekkert slæmur leikur en var að mér fannst oft ekki nægjanlega sannfærður sjálfur um á hvað hann var að dæma. Eða eins og ágætur eftirlitsmaður frá KSÍ sagði eitt sinn við mig. Góður dómari getur selt þér lélega dóma. Það gerði Guðmundur hinsvegar ekki í kvöld.