Gæði Valsmanna réði þessu. Víkingar voru miklu betri í fyrri hálfleik og voru Valsmenn heppnir að fara með 0-0 í hálfleik. Valsmenn kúppluðu sig síðan upp um nokkra gíra og gengu á lagið í síðari hálfleik og kláruðu leikinn.

Markið hjá Aroni Bjarnasyni - Haukur Páll renndi boltanum innfyrir á Aron Bjarnason og Aron nelgdi honum niðri í fjær hornið. Alvöru mark hjá Aroni og þetta var markið sem tók Víkinga úr jafnvægi og kveikti á Valsvélinni sem landaði síðan sigrinum.

Valsmenn styrkja stöðu sína á toppi deildarinnar og eru liðið komið með 31.stig sjö stigum á undan Stjörnunni. Víkingar detta niður um eitt sæti en liðið er komið í áttunda sæti deildarinnar áfram með 14.stig

Það var enginn slakur í kvöld en ég set þetta á greyið Davíð Örn Atlason sem þurfti að fara útaf meiddur í hálfleik en hann var frábær í sóknarleik Víkinga í fyrri hálfleik.

Erlendur Eiríksson var geggjaður á flautunni í kvöld, Kallinn má eiga það, ég man ekki eftir neinni slæmri ákvörðun hjá honum í kvöld.