KA bjó til betri færi og nýtti sín færi betur en gestirnir og verðskuldaði þrjú stig í dag. Heimamenn voru manni færri í rúman hálfltíma og vinnslan var til algjörar fyrirmyndar hjá gulum.

Seinna gula spjaldið á Svein Margeir. Ég skrifaði í textalýsinguna að þetta hefði ekki litið vel út fyrir Svein en eftir að hafa séð sönnunargögn er augljós snerting og því var þetta aldrei leikaraskapur - rangur dómur.

KA getur aðeins leyft sér að horfa á liðin fyrir ofan sig eftir annan sigur sinn í sumar. Liðið er taplaust í tæpa 15 mánuði á heimavelli í deildinni sem er mjög sterkt. Fylkir þarf að skoða hvers vegna ekki tókst að skapa fleiri ákjósanleg marktækifæri og hvernig leysa eigi stöðu Valdimars sem var allt í öllu í sóknarleik liðsins.

Eiginlega bara vondar fjörutíu mínútur, svona frá mér utan frá séð. Valdimar Þór Ingimundarsson. Valdi var skásti leikmaður Fylkis fram á við að mínu viti en undir lok leiks klikkaði hann á vítaspyrnu, skikkaður í lyfjapróf eftir leik og fékk fréttaritara beint í andlitið eftir að hafa klárað að skila af sér prufu - get ímyndað mér að þetta hefðu getað verið þægilegri fjörutíu mínútur þó Valdi hafi nú aðeins brosað eftir þetta allt saman.

Rangur dómur í seinna gula spjaldinu sem Sveinn Margeir fékk. Fyrir utan það ágætlega dæmdur leikur.