Sæbjörn Þór Þórbergsson Steinke @saebjornth

- Meðalaldur 32 ár

- Meðalaldur 29 ár

Hvað réði úrslitum? KA bjó til betri færi og nýtti sín færi betur en gestirnir og verðskuldaði þrjú stig í dag. Heimamenn voru manni færri í rúman hálfltíma og vinnslan var til algjörar fyrirmyndar hjá gulum. Bestu leikmenn 1. Kristijan Jajalo (KA) Jajalo hefur komið vel inn í KA-liðið síðan breyting varð á markvarðarstöðunni í upphafi móts. Jajalo varði nokkrum sinnum mjög vel, varði víti og var öruggur í öllum sínum aðgerðum - nema einni eftir horn í fyrri hálfleik en slapp með það eins og áður í sumar. 2. Hallgrímur Mar Steingrímsson (KA) Grímsi tók færið sitt virkilega vel strax á annarri mínútu. Mark hjá KA í þeirra uppleggi gerir mikið fyrir leik liðsins og markið mun gera mikið fyrir Grímsa, sem var einnig duglegur að vinna til baka, upp á framhaldið að gera. Rodri kom einnig til greina hér - öflugur á miðsvæðinu og fyrir framan vörnina. Atvikið Seinna gula spjaldið á Svein Margeir. Ég skrifaði í textalýsinguna að þetta hefði ekki litið vel út fyrir Svein en eftir að hafa séð sönnunargögn er augljós snerting og því var þetta aldrei leikaraskapur - rangur dómur.

Hvað þýða úrslitin? KA getur aðeins leyft sér að horfa á liðin fyrir ofan sig eftir annan sigur sinn í sumar. Liðið er taplaust í tæpa 15 mánuði á heimavelli í deildinni sem er mjög sterkt. Fylkir þarf að skoða hvers vegna ekki tókst að skapa fleiri ákjósanleg marktækifæri og hvernig leysa eigi stöðu Valdimars sem var allt í öllu í sóknarleik liðsins. Vondur dagur Eiginlega bara vondar fjörutíu mínútur, svona frá mér utan frá séð. Valdimar Þór Ingimundarsson. Valdi var skásti leikmaður Fylkis fram á við að mínu viti en undir lok leiks klikkaði hann á vítaspyrnu, skikkaður í lyfjapróf eftir leik og fékk fréttaritara beint í andlitið eftir að hafa klárað að skila af sér prufu - get ímyndað mér að þetta hefðu getað verið þægilegri fjörutíu mínútur þó Valdi hafi nú aðeins brosað eftir þetta allt saman. Dómarinn - 5 Rangur dómur í seinna gula spjaldinu sem Sveinn Margeir fékk. Fyrir utan það ágætlega dæmdur leikur.

- Meðalaldur 30 ár

- Meðalaldur 24 ár