Barátta og færanýting Víkinga var það sem skilaði þeim 3 stigum í kvöld. Víkingar fengu ekki mörg góð færi en þau nýttu eitt þeirra sem er meira en Fjölnisstúlkur.

Fyrir mark Víkinga var leikurinn opinn en eftir að þær skora kemur virkilega flott skipulag á liðið og Fjölnir nær ekki að skapa mikið í seinni hálfleik þrátt fyrir að vera meira og minna með boltann. Markið breytti leiknum

Með sigrinum er Víkingur komnar með 18 stig og alveg sloppnar við fallið. Hins vegar er Fjölnir ekki í eins góðum málum og verða þær að vinna alla sína leiki sem eftir eru en líka að treysta á að ÍA tapi stigum.

Vondur dagur fyrir Fjölnisstúlkur sem hefðu virkilega þurft á stigum að halda í fallbaráttunni. Einnig væri hægt að segja að Hlín hafi átt slæmandag þar sem hún klúðraði vítaspyrnunni en fyrir utan það fannst mér hún eiga frábæran leik og ósanngjarnt að segja að hún hafi átt slæman dag

Frekar rólegur dagur hjá Tómasi og félögum. Eina stóra ákvörðunin var vítaspyrnudómurinn sem mér fannst vera hárrétt þrátt fyrir að Halla hafi verið ósátt með hana