Kristófer Jónsson @kristoferjonss

Textalýsing Skýrslan Viðtöl

Hvað réði úrslitum? Breiðablik var heilt yfir sterkari aðilinn í þessum leik og virtist allt stefna í sigur hjá þeim áður en að Birkir Már Sævarsson jafnaði leikinn á 90.mínútu leiksins. Bestu leikmenn 1. Róbert Orri Þorkelsson Ótrúlega góður leikur hjá stráknum. Átti margar góðar tæklingar í vörninni og svo eru sendingarnar hans oft baneitraðar. Skoraði svo að sjálfsögðu gott mark. 2. Höskuldur Gunnlaugsson Fyrirliða frammistaða í dag. Grjótharður og ekki hræddur við að fara í návígi. Gerði svo listavel í að leggja upp mark Blika. Atvikið Jöfnunarmark Birkis. Kom í kjölfar innkasts sem að Blikar voru ósáttir að Valsarar hefðu fengið þar sem að rétt á undan hafði aðstoðardómarinn flaggað rangstöðu sem að var ekki dæmd.

Hvað þýða úrslitin? Valur er með níu stiga forskot á FH toppnum, en FH á leik til góða og getur minnkað bilið í sex stig. Blikar sitja í fjórða sæti með 27 stig. Vondur dagur Davíð Ingvars lét reka sig útaf eftir glórulausa tæklingu á Hauk Pál. Í kjölfar þess mynduðust læti þar sem að Valgeir Lunddal fékk að lýta gula spjaldið. Þremur mínútum seinna brýtur Valgeir klaufalega á Brynjólfi og fékk að lýta sitt seinna gula og þar með rautt. Ótrúlega klaufalegt hjá þeim báðum. Dómarinn - 9 Ég var ánægður með Vilhjálm í þessum leik. Blikar verða væntanlega ekki sammála mér en mér fannst það rétt hjá honum að dæma ekki rangstöðu rétt fyrir markið. Þekki ekki reglurnar 100% og þess vegna þori ég ekki að gefa honum 10. Þá fannst mér bæði rauðu spjöldin eiga rétt á sér.